馮盈盈家有錢嗎？請助手認要求超多

馮盈盈近來深受廣告客户歡迎，在疫市下不減反加價，據知在社交網出post價高達10萬，吸金力直迫廣告女王李佳芯。所以馮盈盈好努力經營其社交網，連揸車的時間都都唔浪費，日前在元朗收工，在車程中由新請的女助手協助下開live，馮盈盈邊揸車邊答網民問題，保住網上人氣高企﹗

馮盈盈近來頻頻開live同網民交流，繼早前直播開餐後，日前由元朗收工揸車返歸時，馮盈盈亦爭取時間，在車內開live，由新請助手讀出網民問題，馮盈盈則邊揸車邊回答，不少網民對馮盈盈近來請了助手相當關心，不少網民對助手平日的工作相當感興趣，馮盈盈即一輪嘴話：我助手好多嘢做㗎，好似依家咁要開live啦，平日我開工好需要助手照顧我，例如補粧啦、化咗粧飲嘢要用飲管啦，所以渠隨身要有粉餅、脣膏、鏡、牙籤、飲管，仲有紙巾呀，平時尿袋要叉足電，仲有我啲隨身物都畀佢keep，好似車匙、電話、劇本等﹗

馮盈盈又指近來出post的靚相都出自助手，指她影得有水準，所以助手要相機隨身，幫馮盈盈拍攝生活日常、拍攝花絮，以便她出帖之用，馮盈盈更透露助手相當重要，一定要求助手陪去廁所，原因是她要求助手：要渠幫我拎住個廁所香薰，等我去公廁慨時候，感覺會良好啲慨﹗

有網民指做馮盈盈助手相當不簡單，工作量大，問做她助手有乜福利，馮盈盈即笑住對助手話：喇﹗你（對住助手）同我瞓過兩晚啦，陪我喺酒店房瞓過兩晚啦﹗原來做馮盈盈最大福利是可以陪瞓，相信好多宅男爭住搶呢份工﹗

馮盈盈身穿白色短褲，被網民追問唔怕凍？馮盈盈即解釋雙腿脂肪夠所以不怕冷，另外是因為方便換戲服：有時外景換衫地方都比較狹窄，所以着短褲比較方便，她又自爆：仲有就係因為大家見到女藝人啲腿好滑淨，系因為化咗粧，咁冇理由對腳化咗粧然後着長褲咪會整甩啲粉囉﹗不過我真系試過未幫對腳落粧上咗牀，搞到牀單都系粉﹗