賴琦媛黑歷史 港姐落選後是非未停過

所謂三歲定八十，今年21歲落選港姐賴琦媛，年紀輕輕已經好有機心，參選港姐以來，經常被指囂張目中無人，在港姐首輪網上面試已經爆出名車論，大口氣話：如果Benz都系名車，咁我真系成日坐！貪慕虛榮浮曬上面，火速被網民封做寸嘴Ivy ，更連環被揭黑歷史，被指虛報學歷、曾經整容、是煙民、隨街掉煙頭兼拜金愛黐富二代，是非一大籮，最終落敗收場。

不過，即使港姐十二強止步，仍無阻賴琦媛繼續自我膨脹，不甘心落選的她，更將落選歸咎遭人抹黑，又揚言隨時明年會捲土重來再參選，更謂想加入主持《後生仔傾嚇偈》，當正自己好受歡迎！據知情者透露：寸嘴Ivy咁自以為是，被foul出十二強梗系唔忿氣，不過，佢好快就收拾心情，好清楚自己要啲乜！就算入唔到決賽都唔緊要，渠最著緊要增加知名度，不知幾想入娛樂圈，成日出口術想人籤渠！

賴琦媛早在港姐首輪網上面試，已寸爆發表名車論，之後上《後生仔傾嚇偈》節目，又再寸陸浩明買唔起樓，囂張態度惹網民不滿。

雖然自信爆棚，不過賴琦媛最終與侯嘉欣（左）及張盈悦同時被foul，無緣進入港姐十二強。

選港姐落敗無阻賴琦媛氣焰，她繼續風騷在社交網自信出招，早前便po出着住火紅三點式泳衣出海曬波又曬遊艇的照片。

賴琦媛參選時獲大會安排穿上Deep V晚裝，豐滿上圍立即成為焦點，賴貫徹寸嘴本色豪言：大唔一定好慨！

不時在IG自穀人氣的賴琦媛，日前又開Live，網民的尖鋭問題，賴選擇性回答，仲話唔介意男友年紀大同身形肥，又否認曾當第三者。不時在IG自穀人氣的賴琦媛，日前又開Live，網民的尖鋭問題，賴選擇性回答，仲話唔介意男友年紀大同身形肥，又否認曾當第三者。

阿媽突然入鏡，仲自爆十八歲就識賴父，21歲便生賴琦媛，為免阿媽再爆料，一度用手踭推阿媽走。

出名拜金的賴琦媛，其實參選志不在攞獎，反而更在意借選美作跳板埋富二代身，早在參選初期，已經被揭同李彩樺前度金融才俊潘啟翀拍拖，不過，賴琦媛參選即飛甩男友，充滿野心要更上一層樓，之後又被拍到有中佬以60萬名車接載出入，男人在身邊車輪轉，原來近日再極速換畫，成功釣上內地富貴肥叔叔。

據悉賴琦媛與富貴肥叔叔認識不久已打得火熱，更極速進駐男方位於何文田的豪宅同居。 9月10日傍晚，本刊獨家斷正賴琦媛與年約四十的內地富貴肥叔叔， 由男方何文田豪宅寓所出發，到中環歎法國菜。據悉賴琦媛與富貴肥叔叔認識不久已打得火熱，更極速進駐男方位於何文田的豪宅同居。9月10日傍晚，本刊獨家斷正賴琦媛與年約四十的內地富貴肥叔叔， 由男方何文田豪宅寓所出發，到中環歎法國菜。