39歲譚凱琪報喜宣佈母女平安

譚凱琪今年3月與金融才俊莊日宇（Enrico）結婚，6月宣佈有喜，不過向來對私事極為低調的譚凱琪，一直未有透露BB性別及預產期，日前還曬唯美孕照，不過今日譚凱琪在IG貼出BB腳仔相，宣佈誕女，母女平安，可喜可賀﹗

譚凱琪6月時宣佈有喜，但未有透露陀B幾個月，亦未有透露預產期，今日晚上，譚凱琪選擇在IG報喜，貼出BB腳，並指BB出生重6磅8，不過譚凱琪卻極速刪po，後來再出po宣佈BabyG出世，母女平安，未有透露BB磅數，並以Staycation來形容懷孕旅程！譚凱琪話好開心BB加入渠哋的家庭，多謝大家的祝福，誕女po一出，圈中好友紛紛道賀祝福﹗

譚凱琪在本月十日39歲生日，慶生後便喜獲B女，喜上加喜，得天獨厚的譚凱琪接近生B未見浮腫。

2月入紙註冊、3月低調完婚、跟手就被指連推兩劇深居簡出疑似有喜，新婚譚凱琪(Zoie)上月即被本刊拍到凸肚出遊，終於出PO公佈有孕喜訊。38歲首次懷胎，Zoie即時全副心機時間放在養胎、食療和胎教上，三餐自煮、報埋營養學課程，連家中大小食物日用品都親自去街市採購再烹飪。不過非常時期、疫症反彈、確診病例日日創新高，粗身大細自己買自己搬自己對住無上裝冇戴罩豬肉佬買肉煲湯，非常牙煙！