劉青雲帶老婆郭藹明逛超市 疫情下超市護妻

要數圈中模範夫妻， 56歲劉青雲與53歲郭藹明肯定是當中表表者，二人結婚廿二年恩愛甜蜜儼如熱戀，日前，劉青雲夫婦拍拖出巡，閉關多時陪老婆出關超市上糧的青雲，疫情下高度戒備，發現遠處有陌生人拍照，表現緊張護妻，見老婆郭藹明大方淡定揮手，才如釋重負，更跟住老婆一齊揮手同記者打招呼，愛妻號青雲被賢妻牽動一顰一笑，恩愛得無懈可擊！

一場新冠肺炎疫情打亂香港娛樂事業，唔少電影被煞停，影帝劉青雲亦受影響，原本今年開拍的電影《掃毒3》，亦要延期至明年待疫情穩定後才開工，閉關留家抗疫，對好好先生劉青雲而言，反而可以有更多時間陪愛妻郭藹明，夫妻閉關一樣好有情趣。據知情者透露，片約不斷的青雲，其實近年已開始減產，每年只拍兩、三部電影，留更多時間陪太太。系人都知青雲好錫老婆，佢好享受家庭生活，兩公婆就算唔出街都好有生活樂趣，所以疫情閉關，對渠哋嚟講一啲都唔會悶，青雲本身就好鐘意煮嘢食，以前就算開工一有時間都會親自下廚煮兩味，疫情閉關唔使做嘢，渠就日日下廚為樂，煮愛心餐