郭富城前緋聞女友王秀琳淡出10年 近況曝光爆非禮往事

現年41歲的王秀琳（Mango）淡出娛樂圈近10年，當年與郭富城的一段緋聞曾轟動一時，近日自家醬料生意經營得有聲有色的她為鬼王潘紹聰的網上節目擔任嘉賓，不忿被網民指摘拜金及屈人非禮，自爆當年遭非禮後要啞口食黃蓮，甚是戇居：公司幫我開記者會我只識喺度喊，唔識去解釋，因為好驚，一個女仔二十出頭，唔會生安白造咁冇面慨嘢。好多以前新聞誤會我人格，我冇機會去平反，加上以前唔夠膽去講，就算系事實，但公司都想我講少句，等件事被忘記；但其實唔系咁，我離開咗（娛樂圈）都系咁，到你死嗰刻都繫帶住呢樣嘢去死。

王秀琳對於被非禮的那段經歷仍記憶猶新：嗰日系鬼門關開，嗰時喺清水灣亞視影城拍嘢，但嗰日冇嗰位演員慨戲份，唔想開名，渠走埋嚟話陣間收工一齊去食飯，就同主角一齊去食消夜，嗰次系我第一次接觸男主角。食完飯之後男主角住將軍澳話順路兜埋我，成個人已經好快擒喺我身上，唔系誇張或者特登講衰人哋，唔好話發毒誓，總之我唔會講大話，之後情節唔講得咁清楚，我喺車裏面求渠放我走，佢好大力壓落嚟，我係咁喺度喊。Mango稱落車後狂哭兼不敢回家，之後回公司繼續開工男主角竟當無事發生，令Mango嬲到震：我嗰刻真繫好想殺咗渠！

後來有份食飯的男演員見Mango雙眼通紅上前慰問，後來才得知對方向記者通風報訊，令事件張揚。當時她到警署錄口供：一位Madam話嗰個人喺渠哋差館有6次非禮人慨紀錄，我真系發誓冇講大話，但以前冇咁多天眼，衫都洗埋啦！我成日俾人鬧已經好慘，當時細個發生呢啲事仲俾人話我屈渠。潘紹聰則打圓場説：人比鬼更加恐怖，放下啦！

Mango於2004年曾參與亞視《我和殭屍有個約會3永恆國度》拍攝，並聲稱遭同劇對手非禮，指對方於駕車送她回家途中強行拖手、強吻，甚至想伸手入其衫內，而嫌疑人尹天照表示樂意與Mango當面對質，Mango最終報警，尹天照曾被帶返警署協助調查，同年12月，尹天照獲通知不予起訴，事件告一段落。