龔嘉欣失落TVB視後 奮鬥史絕密三點式曝光

龔嘉欣在《萬千星輝頒獎典禮2020》失落視後，憑《香港愛情故事》獲得最受歡迎女角色及《殺手》馬來西亞最喜愛TVB女主角，現年31的龔嘉欣不經不覺已入行近14年，原來她當年是有線小花出身，憑住有少少似劉心悠的靚樣，曾經成為不少少男心目中的女神主持，17時的龔嘉欣更曾經為新傳媒旗下的雜誌影過一輯絕密的三點式靚相！

龔嘉欣（Katy）在今次《萬千星輝頒獎典禮2020》中，同時憑劇集《殺手》入圍最佳女主角及以《香港愛情故事》入圍最受歡迎電視女角色獎，龔嘉欣初出道時只為人熟悉的是她在08年參演無線青春劇《盛裝舞步愛作戰》做四葉女，但唔講唔知，原來在加入無線之前，只有17歲的龔嘉欣便擔任過有線財經資訊台、體育台、世界盃等節目主持。

原來早在14歲時，龔嘉欣已開始投身Model界，拍過不少廣告，到17歲讀中六時，她更放棄升讀大學的機會，改為報考演藝學院，學習演戲和唱歌，細細個已目標明確，一心勇闖娛樂圈。

當年在訪問中龔嘉欣直言自己在唱歌方面的偶像是容祖兒，而演戲方面的偶像是張柏芝，她笑言：我曾經喺片場見過柏芝做戲，當日見渠未Roll機前同工作人員笑到好開心，但系一埋位渠就即刻收拾曬心情，淚如泉湧咁拍呢場戲。由嗰刻開始我就決定要以渠為目標，希望可以好似佢咁叻，以實力嚟證明畀大家睇，唔再做花樽！

08年19歲的龔嘉欣拍完《盛裝舞步愛作戰》後，就離開有線簽約成為無線親生女，至今默默拍劇13年，終於升呢做女一，備受觀眾讚賞之餘，更首次問鼎視後大獎，成為今屆視後大熱門，真系恭喜曬！