陳冠希40歲時裝車禍 紅褲造型嚇傻網民

陳冠希向以潮人自居，一路走來都是靚仔型格路線，但隨着近年移居美國，專注搞時裝品牌生意，17年與中國名模秦舒培結婚，同年3月升呢為人父，變身慈父經常po湊女之日常，近日潮爸陳冠希為某品牌拍攝造型照，平頭髮型搭冇乜人識欣賞的造型，為大家制造歡樂！

即將年屆40的陳冠希，今次造型令人跌曬眼鏡，娘到震平頭裝配搭黑色背心、紅色高腰褲，胸前還加個黑色包包，十足內地叔父。

希望黑背心下展示強而有力的手臂，下身配搭鮮紅色褲子皮鞋，石堆前chok pose，甚為驚嚇！ 

明星似乎特別襟老，大部分都像食了防腐劑一樣，凍齡般廿年不變，年過半百的劉德華、郭富城就係表表者，開十幾場演唱會又唱又跳都應付自如，仲有仲有年過六十的周潤發、苗僑偉，都仲系咁有型靚仔，要數真繫有排數，難怪穩坐多年男神位置。之不過身為渠哋後輩、未到四字頭慨陳冠希、余文樂，曾是那些年的男神，不但守唔住呢個稱號，雙雙已經變成大叔，粉絲睇見偶像崩壞，真系喊咁口！

40歲的陳冠希（Edison）近年移居美國，專注其時裝品牌生意，17年和中國名模秦舒培結婚，同年3月升呢為人父，囡囡Alaia剛滿三歲，升呢人父後的Edison 錫女錫到燶，IG 大部分也是妻女的生活照，閒時一家三口去遊樂場，好一個典型幸福家庭，昔日壞孩子似乎改變了，過去媾女四圍蒲的日子不再。之不過連外型都有好大變化，20歲一出道因為個樣鬼鬼地加上五官標緻，立即成為萬人迷，不過昔日的萬人迷，現在臉上一道道的皺紋、眼神變慈祥同時都變得什為蒼老，未到四十歲已經變大叔！

20歲出道的Edison成為歌影兩棲藝人，又成為時裝潮牌創辦人，靚仔又當紅，是當代男神！

陳冠希一家三口樂也融融，不過其臉上皺紋、雙眼打曬折，比真實年齡蒼老很多。

Edison 生女後變定性，滿臉雀斑、黑眼圈眼肚勁深、一臉鬍渣的Edison 同囡囡臉貼臉合照，一臉慈父樣。

身穿花花衫的Edison 同離過婚、現年30歲的名模老婆秦舒培拍埋一齊，竟然有叔叔同後生女的感覺﹗

陳冠希已把事業重心移到美國，鮮有跟香港演藝圈有聯絡，甄子丹是其中一人，早前甄子丹一家到美國，並出席陳冠希為囡囡舉辦的3歲生日會。

陳冠希出道時有家底，父母都系靚仔靚女，現時跟父母及兩個家姐身處不同國家，但周不時會相約於美國見面。

陳冠希死敵余文樂是同期出道，曾為爭女爭上位，屢傳不和，雖然大家已不在同一圈子，不過似乎仍互睇大家唔順眼，早前余文樂潮牌出品的衫引起風波，要道歉補鑊，相隔半個地球之遠的Edison，立即在其時裝品牌網頁推出一件印有禁止666圖案的T 恤（余文樂的IG 帳號是lok666），明揶揄對方。兩宿敵爭餐死，依家都出現未老先衰的跡象，余文樂近來突然留須，而且鬍鬚灰白，老咗十年有多，當日青靚白淨版靚仔已不復在。