張韋怡入行12年未能上位 奉子成婚做少奶爆豪宅

 戲如人生，有陣時又未必人生如戲。好似張韋怡咁，入行十二年一直做妹仔、師奶、sales 妹、護士仔等四線角色，演藝事業未有長進過，不過現實中晨早身家已經暴漲何止十倍！

張韋怡由早年初入行住幾百呎旺角蝸居，到帶埋父母搬去九龍城千呎唐樓，至14年奉子成婚嫁畀經營家族生意慨Michael Poon 後，即刻飛上枝頭，由九龍城搬到九龍塘，講緊屋企已經有八千呎面積、五層樓連私家、養住五個工人加兩個司機加一個看護，生活豪過曬全台當家花旦！

2014年同闊少Michael Poon奉子成婚，飛上枝頭慨張韋怡盡享少奶奶生活。

做女嗰陣時已經養咗兩隻寶貝哥基，如今愛犬剩番一隻又年事已高，搬咗新屋都見張韋怡成日攬住愛犬。

對住維港靚景再曬埋新手袋同兩大疊現金，潘太自稱呢個系旺財風水陣，又意有所指話錢系向世界揾，不是覬覦家財不是刻薄家人喎。

去年中同姑仔喺社交平台互相數臭，張韋怡鬧姑仔險毒又無聊，姑仔就話張韋怡貪錢心地差，好彩最後都有老公支持呵番，張韋怡繼續曬表曬袋曬恩愛，住厭咗九龍塘八千呎巨宅最近仲搬埋屋轉嚇新環境。今次冇私家冇幾層樓，實用空間睇落都細咗，不過又云石又假天花又有貴价家俬，酒店式裝修絕對落重本，重點系居高臨下落地玻璃對住個無敵維港靚海景，呢樣嘢又的確系八千呎九龍塘巨宅畀唔到渠！

廚房一角用料講究，不過重點都系老公下廚錫到燶，證明同姑仔一場口水罵戰自己至系贏家。

十一月已經開始佈置緊聖誕，個廳大到聖誕樹都要擺兩棵，不過再多佈置都被無敵夜景搶曬focus。

大廳景緻無敵，潘太仲好有心思整埋超大軟墊窗台，閒時孖囝囝一齊歎靚景。

囝囝Ashton 剛剛喺新屋過其六歲生日，張韋怡好感慨，話囝囝五歲呢一年，媽媽被人攻擊、又血崩流產差點喪命。

睡房豪裝到好似五星級酒店一樣，兩母子由廳玩到入房，又由房玩到出廳。