翁嘉穗老公是誰？當年搶富豪近況爆光

好多人都話選港姐系釣金龜慨捷徑，事實上歷年無論有獎冇獎，唔少港姐都成功嫁入豪門。好似97年港姐冠軍翁嘉穗，嫁咗畀富商鄔友正，生咗兩個仔，廿幾年嚟過住豪門少奶奶慨生活，最近翁嘉穗喺社交網好活躍，仲不停喺fb賣廣告谷自己個網頁，好努力咁自我宣傳，點知惹來網民翻舊賬，挖渠當年同亞軍李明慧爭鄔友正慨臭史，爭佬爭到全世界都知仲反曬面，呢件事真繫好爆！

翁嘉穗攞完港姐冠軍已經趕住嫁人，喺娛樂圈真系冇乜發展過，闊太生活無憂得閒出席嚇上流社會ball，又幫老公鄔友正名下慨海馬牌做嚇宣傳，keep住曝光率，15年突然再生多個細仔，翁嘉穗產後更加活躍同高調，不時喺社交網公開私生活照片，最近佢仲喺fb落廣告狂谷自己個網頁，唔通想學人做KOL吸粉？

港姐冠軍翁嘉穗突然咁高調一定有啲原因，渠又唔系sell嘢，好大可能系想刷存在感。不過好衰唔衰就引起一班中年網民慨注意(當年系97，事隔23年，後生仔唔會知渠系乜水)，重提當年渠參選港姐時慨黑歷史，咪就係渠喺亞軍李明慧手上撬走鄔友正囉！

97年港姐三甲系冠軍翁嘉穗、亞軍李明慧同季軍佘詩曼，當年因爭佬事件搞到一鑊粥，李明慧冇得撈，翁嘉穗掛住拍拖入豪門，佘詩曼成為最大得益者，被無線力捧。

97年慨港姐翁嘉穗系冠軍，李明慧系亞軍，佘詩曼只系季軍，當年李明慧同翁嘉穗關係非常之差，唔系因為大家系競爭對手，系因為大家系情敵。話説翁嘉穗現任老公鄔友正當年系李明慧慨男友，因為鄔友正旗下公司當年系港姐選舉慨贊助商，鄔友正因利成便同李明慧打得火熱，相戀十日就宣佈會喺同年閃婚，李明慧當時以為可以嫁入豪門，就向無線提出解約。期間李明慧去美國公幹，就係呢個時候傳出翁嘉穗同鄔友偷偷約會，翁嘉穗仲對外公開自己先系鄔友正慨正印女友，不過重點系鄔友正亦好維護翁嘉穗，仲向李明慧悔婚，最後李明慧成為最大輸家，解約無線冇得撈，有傳獲鄔友正補償120萬，不過最大損失系冇得嫁入豪門。

爭佬事件當年好爆，原來鄔友正當年系失婚。

明眼人一睇就知誰是誰非，為咗入豪門，原來真系可以去到好盡。

呢段咁精彩慨港姐冠軍同亞軍爭佬歷史真繫好經典，李明慧當時雖然雙失(失業又失戀)，但佢好快就重整旗鼓，再接再厲，她先轉行做税務會計師，呢個唔系重點，重點系渠後來因為工作關係喺美國認識咗教育家、慈善家陳樹渠慨細仔，即系現任丈夫陳耀陽，仲喺03年正式結婚，婚後生咗一對龍鳳胎，比起情敵翁嘉穗差，老公家底有過之而無不及。李明慧嫁畀陳耀陽後就專心過住少奶奶生活，早年一家人移居美國生活，近年先回流返香港。李明慧有今日慨幸福人生，真系要多謝當年翁嘉穗橫刀奪愛咯！