明星體重飆升的原因是什麼？女神爆肥的內幕

上次講完圈中肥仔血淚史，其實點止班肥仔可憐，圈中亦有唔少女星都經歷過身材肥完又瘦、瘦完又肥，有啲系天生肥底難自控，有啲就為藝術犧牲配合角色造型增肥，各人背後都藴藏着各自慨辛酸史！

胡杏兒為拍劇增肥至152磅

嫁得幸福、三年抱兩，40歲胡杏兒婚後冇放任自己變幸福肥，反而產前纖瘦產後極速修身仲極速北上開埋工賺家用，其實對身形同狀態都要求嚴謹慨杏兒都肥過，不過係為套劇！06年杏兒增肥至152磅演出《肥田囍事》何美田一角，兩個月增完肥再用兩個月減走40磅，吹完脹又還原，最叻系十幾年後即使做埋媽媽都仲keep到！

苟芸慧患甲狀腺疾病令體重暴升

曾經靚到揼一聲、又被無線力捧兼同天王郭富城傳過緋聞，苟姑娘14年因為患上甲狀腺疾病令體重暴升，最高峯時期超過160磅，當年經常着長袖包到實，不過就算一身黑衣都遮唔住。其後調理身體回覆健康，再求助健身公司養成良好飲食習慣，肥苟回覆變索苟，由內靚到外！

面圓好肉地，就算着長袖包到冚，亦難掩脹爆身形。面圓好肉地，就算着長袖包到冚，亦難掩脹爆身形。

調理好身體回覆健康，即時靚番曬！調理好身體回覆健康，即時靚番曬！

鄭欣宜一年成功減去100磅

身為肥姐愛女，強勁基因加上萬千寵愛，欣宜由細肥到大體重一度高達230磅。直至03年，肥姐拜託纖體公司老闆好友張玉珊幫手，欣宜有專屬營養師飛到加國跟身監控飲食做運動做機，一年成功減去100磅。不過瘦咗唔代表會開心，戒咗十年薯條雞翼慨欣宜，自爆最瘦時期精神狀態最差，信心亦冇因此而回復，所以最後接受做個開心有自信慨肥妹女神。

12年選港姐時已經因為五官標緻獲得 靚湯名號，結果18年與相戀四年男友羅天宇分手，疑因情傷導致靚湯突然脹爆體重超過130磅。去年代替黃心穎重拍《 法證先鋒IV 》，被勒令減肥點知體重不減反增繼續圓潤。直到台慶前夕，湯洛雯再憑節食加運動，配搭新陳代謝減肥法成功減肥變番靚湯。

臨時受命頂替姣心穎重拍《法證先鋒IV》，因要減肥演出加上突然插入劇組身心壓力超大，不但愈減愈肥，更因壓力搞到面上狂爆瘡，要化濃粧遮掩先出到鏡。

又有邊個估到如今系藝人兼健身教練、身材fit到漏成為IG女神慨陳婉衡，曾經都系肥妹一名？6歲移民加拿大，發育時期食得多運動少、又用錯方法減肥，高峯期體重超過130磅。直到開始學鋼管舞、玩健身再配合埋健康飲食，才練就至今日一副魔鬼身形。

陳婉衡自爆十年前慨渠系零運動，完全冇諗過今日竟然做咗健身教練。

唔系當家花旦同影壇巨星至會為套戲增肥又減肥，難得新人都唔怕辛苦為角色犧牲！23歲鄧月平去年就為陳果新戲《 墮胎師》，一日七餐狂食火鍋隊雪糕增肥32磅，一度因為過肥搞到荷爾蒙失調，試過停經四個月！不過今年初電影製作完成，鄧月平都嗱嗱聲收身減肥，今年中少女身形返曬嚟，仲疑似有新戀情。