湯洛雯曬美照驚現直角腳 靠P圖攆走幸福肥

湯洛雯同馬國明拍拖半年，愛得甜蜜又高調，早前傳出馬國明求婚成功並於明年初結婚，雖然當事人否認閃婚傳聞，之不過仍不時隔空放閃。日前湯洛雯貼出一張上身着住白裇衫下身露出又白又滑的雙腿相，藝人同事們都紛紛留言贊靚，馬國明更望到流曬口水，不過細看美照之下卻發現靚湯雙腳呈不合比例，驚現直角腳。

33歲湯洛雯近日正在趕拍《金宵大廈2》，再忙也貼美照，不過雙腳離奇呈現直角，明顯不合比例，變成直立腳。

湯洛雯曾豪言男友馬國明無論她肥瘦都贊好，都一樣鐘意，更加無勸過她減肥，男友開到聲唔介意身形肥瘦，湯洛雯拍拖無壓力，更開懷大食，早前被影到一日拍拖生活中食足三輪甜品，真系唔肥就奇，身體最誠實，幸福指數完全在靚湯身上體現得到，腰圓象腿，馬明一樣照單全收。

湯洛雯貼靚相，男友馬國明第一時間留言，用了個流口水的表情符號，繼續放閃。 而湯洛雯細妹湯樂瑤留言問家姐為何去了她的房間影相，靚湯即回覆因細妹借了她的外套，故借細妹房一用，相當搞笑。

要呃人先要呃自己，湯洛雯日前貼出美照，一對肉腿突然變幼不特止，更離奇出現直角腳，出現不合比例的直角，相信P圖已成了靚湯的最佳良伴。正在拍攝《金宵大廈2》的靚湯日拍夜拍，更加冇時間減肥，而馬明早前亦替女友講説話，多番指女友湯洛雯已經瘦番好多，又指女友是易肥易瘦的體質，開工便自然以最佳狀態示人，真系情人眼裏出西施。

早前湯洛雯同馬明拍拖，幾小時內不停食甜品，象腿無所遁形。

多角度睇睇，湯洛雯真系由頭到腳都好幸福，雙腿粗幼比例，跟她貼出的美照相距甚遠。

呢日湯洛雯同馬明到淺水灣拍拖，除了不停食便是在地產鋪外研究樓盤。

靚湯將呢輯美照分拆上市，呢張見唔到直角腳，自然好多﹗